Sanskrit Guruji Odisha

ଓଡ଼ିଶାର ସମସ୍ତ ଅଭିଭାବକ, ସଂସ୍କୃତ ଶିକ୍ଷକଙ୍କୁ ମୋର ନମସ୍କାର ତଥା ଛାତ୍ରଛାତ୍ରୀମାନଙ୍କୁ ଅନେକ ଶୁଭାଶିଷ। ମୁଁ ଶ୍ରୀ ପଦ୍ମଲୋଚନ ଆଚାର୍ଯ୍ଯ, ସଂସ୍କୃତ ଶିକ୍ଷକ (ଅଭିଜ୍ଞତା ୨୭ ବର୍ଷ) । ଓଡିଆ ମାଧ୍ଯମ ବିଦ୍ୟାଳୟରେ ଅଧ୍ୟୟନ କରୁଥିବା ଓଡିଶାର ସମସ୍ତ ଛାତ୍ରଛାତ୍ରୀଙ୍କୁ କମ୍ ପରିଶ୍ରମ ତଥା ମାଗଣାରେ ସଂସ୍କୃତ ଓ ଓଡ଼ିଆ ଶିକ୍ଷାଦାନ କରି ବାଷିର୍କ ହାଇସ୍କୁଲ ପରୀକ୍ଷାରେ ଶତପ୍ରତିଶତ ନମ୍ବର ଲାଭ କରାଇବାପାଇଁ ଏହି ଚ୍ୟାନେଲ ଖୋଲିବାର ମୁଖ୍ଯ ଉଦ୍ଦେଶ୍ଯ । ବର୍ତ୍ତମାନ ଦ୍ରୁତଗତିରେ ମହାମାରୀ ଯେପରି ସଂକ୍ରମିତ ହେଉଛି , ସେଥିରୁ ଆମ ଭବିଷ୍ଯତ ବଂଶଧରଙ୍କୁ ସୁରକ୍ଷିତ ରଖିବାପାଇଁ ସମସ୍ତେ ବ୍ୟଗ୍ର । ଶିକ୍ଷାବର୍ଷର ଅବଧି ହ୍ରାସ ହେଲାଣି । ଏହାକୁ ଆଖି ଆଗରେ ରଖି , ମୋର ଅନେକ ସହକର୍ମୀ ତଥା ପୁରାତନ ଛାତ୍ର ଛାତ୍ରୀଙ୍କ ଅନୁରୋଧ କ୍ରମେ ସରଳ ଉପାୟରେ ଶିକ୍ଷକଙ୍କ ସାହାଯ୍ଯ ବିନା ଓଡ଼ିଶାର ଅଗଣିତ ଛାତ୍ର ଛାତ୍ରୀଙ୍କ ଭବିଷ୍ୟତ ସଜାଡିବା ପାଇଁ ଏହି ନୂତନ ପ୍ରୟାସ ।