Cyber Pashto

زموږ یوټوب چینل ته پخیر راغلی، دلته موږ ستاسو له پاره د سایبر سیکیوریټي او ټیکنالوجۍ په هکله کورسونه نشروو، موږ پوهیږو چې د ټکنالوجۍ نړۍ به یو څه نا آشنا وي په خاص ډول د اکثریت پښتنو له پاره، نو ددې لپاره چې پښتانه هم له ټکنالوجۍ سره اشنا شي موږ هڅه کوو چې پښتو ژبه کې تاسو ته په اسان او ساده ډول دغه کورسونه وړاندې کړو.

زموږ د ټکنالوجۍ او سایبر سیکیوریټي ټیم هر وخت کوشش کوي چې ستاسو سره خپل علم او تجربه شریکه کړي، له لومړنۍ او ساده سایبر سیکیوریټي څخه نیولي تر اډوانس لیول پروګرامینګ ژبو پورې کورسونه زموږ سره د لاس رسي وړ دي، زموږ هر کورس زیات معلومات کې لري چې تاسو به په معلوماتي ټکنالوجۍ کې ماهرین جوړ کړي، او تاسو به یې په کتلو سره په انټرنیټي نړۍ کې محفوظ پاتې شئ.

موږ غواړو چې هرڅوک په خپله مورنۍ ژبه کې د ټکنالوجۍ په هکله اعلی کورسونو ته لاس رسۍ ولري، په همدې خاطر موږ هم په خپله پښتو ژبه کې د ټکنالوجۍ مربوط ډول ډول کورسونه وړاندې کوو، ترڅو هرڅوک که هغه شاګرد وي، پروفیشنل او یا هغه څوک چې غواړي صرف زده کړه وکړي، وکړلی شي په اسان ډول ورباندې پوه شي